على نقيض وديع و تهامي باشا في اعلاناتهم على ميلودي و ان الافلام العربي ام الاجنبي , احب اقولكم الفكرة دي منافية للواقع تماما !
انا النهاردة هعرضلكم 3 امثلة مختلفة
اولا : اينار
التابلت "المصري" اللي مش عارف ليه اتلزقت جنبه مصري , هو في الاول و في الاخر منتج شركة . مشفتش مثلا سامسونج و هي بتعلن عن اي تابلت ليها انها بتقول ده تابلت ياباني ولا ابل و هيب تعلن عن الايباد بتقول انه امريكي , مش عارف ليه النظرة دي -ده بغض النظر عن انه اصلا مشكوك فيه انه
مطابق للمواصفات لكن هنعديها مش موضوعنا -
ده فيديو الاعلان عن اينار
طبعا لحد هنا ملوش اي دعوة اصلا بموضوع المدونة , لكن الفيديوهين اللي جايين دول يعبروا عن العنوان
ده فيديو unboxing لتابلت Samsung galaxy tab 8.9
و ده , بتاع اينار
واضح الفرق
ثانيا : القنوات الرياضية هنا في مصر
امثال شوبير و مدحت شلبي و خالد الغندور و الشلة الزبالة دي كلها...
اول مرة اشوف اعلاميين المفروض انهم يعرضوا اخبار الكرة -بمعنى اصح ما داخل المستطيل الاخضر و المتعلق باللعيبة و ده اتنقل نادي ايه او جدد ولا ﻷ , لا اكتر ولا اقل - بيتكلموا في السياسة . مش كده و بس لا دي بتوصل انهم تحس انهم قاعدين على مسطبة في الفلاحين , ولا يا سلام لما بيتكلموا عن نظريات المؤامرة اللي بيتكلموا فيها و الكلام اللي بيحصل في اتحاد الكرة , تحس انك قاعد مع ناس اقل ما يقال عليهم انهم ربيضة فعلا !
مثال لمدحت شلبي و هو ملعلع في مساء الانوار بتاعه
و ده عدلي القيعي مع ابراهيم المنيسي في قناة الاهلي - اللي هو المفروض ده افضل نادي في مصر و ان المفروض اعلامه يكون محترم ميكونش كده -
نيجي بقى لقناة زي مثلا قناة ريال مدريد او sky sports دي عارفة يعني ايه عرض محتوى على الناس . قناة رياضية يعني تجيب اخبار متعلقة بموضوعها مش اي حشر محتوى و خلاص !
دي مثلا sky sports مقدمين فيلم عن رونالدينهو
و قالك اعلام هادف :D
ثالثا : مواقع التواصل الاجتماعي المصري
تيجي تشوف كاذا واحد اول ما يتعلم web development يحرقه اوي ان ازاي مارك عامل فيسبوك و هو معملش واحد زيه . يفكر في الموضوع ده بالليل يقوم الصبح يعمل ديزاين للمشروع فاشل , يجيب صحابه معاه يشتغلوا فيه و طبعا كل واحد فاكر انه خلاص هيجيب الديب من ديله و انه هو اللي هيوقف مارك عند حده , يخلص السايت بعدها بكام يوم يقوم عامله هوست على اي سرفر و ممكن يكون فري علشان مش معاه فلوس الهوست و الدومين مثلا و يقوم معلن على الفيسبوك انه عمل فيسبوك مصري للتعارف , و لو كان فظيع في التسويق الالكتروني و السايت يستحق يقوم عامل اعلان مدفوع على الفيسبوك, اديني عقلك :D
احب اقول اللي بيفكر يعمل كده , جوجل بلاس ملهاش اي اعلانات على الفيسبوك ولا حتى fan page :D
امثلة لحاجات معمولة مصري
للي ناوي يدخل في الموضوع ده , احب اقوله بص على اللينكين دول كده قبل ما تقول انا عملت حاجة :D
حقيقي مش عارف اللي بيحصل فوق ده سببه ايه , للاسف اكتفيت بالملاحظة
لو حد عارف سبب ياريت يقولي و يكسب فيا ثواب :D
دعواتكم بالتوفيق اخلص امتحاناتي على خير ان شاء الله :D